من اطرف التعليقات والنكت عقب تولى كمال الجنزورى رئاسة الوزراء
وهذه بعض التعليقات الساخرة أو الفكاهية عن ترشيح الدكتور الجنزوري من شباب الشبكات الاجتماعية :
الجنزوري هو أنسب رجل وطني، عاصر ملكين و 4 رؤساء جمهورية..وشارك في ثورة عرابي وحفر قناة السويس ، وحارب مع أحمس
----------------------------------------
عودة السجايرالبافرا في الاسواق المصرية بعد تشكيل حكومة الجنزوري
----------------------------------------
الجنزوري يرشح اثنين وزراء للصحة في التشكيل الجديد- واحد خاص بمجلس الوزراء والتاني للشعب.
----------------------------------------
المشكلة نقول ايه للشباب تحت 17 سنة الي شارك في الثورة ولم يروا الجنزوري ؟
----------------------------------------
كان فيه جدو رئيس وزراء ورجع تاني؟!
----------------------------------------
بلاش اعتراض على الجنزوري عشان علي لطفي لسه عايش.
----------------------------------------
مرتضى منصور ماسك على الناس كلها سي دى الا الجنزورى ماسك عليه فلوبى ديسك
----------------------------------------
الجنزوري يأمر بلجنة تقصي حقائق للوقوف علي أسباب تأخر تسليم ...
السيارات الدوجان و الشاهين و التلاجات الأيديال ال 10 قدم
----------------------------------------
الجنزوري رئيس وزراء مصر الثورة...ايوة بقة! هو الغاز المسمم فين أخذ نفسين؟
----------------------------------------
حكومة انقاذ وطني: الجنزوري رئيس وزراء، فؤاد باشا سراج للداخلية،
إسماعيل فهمي للخارجية، الخازندار للحقانية، وعبد الحكيم عامر للدفاع
----------------------------------------
أيام الجنزوري كانت ماري منيب وجه جديد
----------------------------------------
الجنزوري يعني محلك سر... المجلس بيدعم مليونية بكرة
----------------------------------------
كمال الجنزوري - الله يرحمه - هيشكل الوزارة
----------------------------------------
بيقولك اللورد كرومر هو اللي اقترح الجنزوري
----------------------------------------
نهار اسود ع ثورة 19 اللي ماسكين فيها دي !!
----------------------------------------
يا جماعة يعني ايه الجنزوري واحنا عندنا ناس وطنيين زي النحاس باشا، لحد امتى السفير الإنجليزي..
هيفضل ممشّي جلالة الملك على كيفه؟
----------------------------------------
قام المشير طنطاوي ( 78 سنة ) باستقبال كمال الجنزوري ( 78 سنة ) لعمل حكومة إنقاذ لثوره الشباب
----------------------------------------
هل تعلم : في العصر الجنزوري الاول كان المصري الاصيل يعتبر ان مجمع التحرير..
هو اهم انجاز في تاريخ البشرية
----------------------------------------
الجنزوري يستدعي صلاح الدين الايوبي لقيادة مليونية الاخوان غدا
----------------------------------------
طب كده خلاص نعمل (unfollow) لعصام شرف ونفولو الجنزوري على اذاعة صوت العرب
----------------------------------------
مشهد اختيار الجنزوري بيفكرني بحسن فايق في نهاية اسماعيل يس في مستشفي المجانين:
اعمل إيه، السلم، اهرب ما يهمكش، خلاص هاتولنا الاستاذ فريد شرقي
----------------------------------------
وزارة الجنزوري الثانية لمن فاتته الوزارة الأولى ولهواة التسجيلات
----------------------------------------
الجنزوري لو دخل على الهاشتاج ده ممكن يجيلوا ازمة قلبية
----------------------------------------
عبد الوارث عسر في نظارة المشخصاتية
----------------------------------------
اعتقد ان نفى سعد باشا وتوليه الجنزورى ف مصلحه كبيره جدا للانجليز
----------------------------------------
بس يا ترى الملك عمل كده ليه ؟
----------------------------------------
لما جراهام بيل اخترع التليفون لقى 3 ميسد كول من الجنزوري
----------------------------------------
يتقريبا 90٪ من شباب الثورة كان ايام الجنزوري بيلعب بنك الحظ
----------------------------------------
الناس كانت بتعمل جمعيات ويستلفوا عشان يجيبوا دِش
----------------------------------------
قناة Nile TV كانت حلم حياة أي مصري إنها تجيلوه ع الأرضي
----------------------------------------
كان متر الأرض أرخص من متر اللحمة
----------------------------------------
بيقولك مرة شعب ثار علي النظام القديم جابوله اللي اقدم منه
.jpg)
المشاركات
0 الردود:
إرسال تعليق